Aktual mövzular: Dollar alış-satışı, Neftin qiyməti, COP29, Hava proqnozu

Agentlik: Turizm şirkətləri kateqoriyalara bölünəcək

Tarix: 27 Iyun 2019 12:04

Bakı. İlhamə İsabalayeva - Trend:

Bu ilin sonunadək Azərbaycanda fəaliyyət göstərən turizm agentliklərinin reyestri yaradılacaq.

Trend-in məlumatına görə, bunu Dövlət Turizm Agentliyinin Aparat rəhbəri Kənan Qasımov deyib.

Onun sözlərinə görə, reyestrə daxil olacaq turizm şirkətləri müəyyən kateqoriyalara bölünəcək. Daha üstün keyfiyyətlərə malik olan turizm şirkətləri daha üstün kateqoriyalar alacaqlar.

Onun sözlərinə görə, reyestrin yaradılması turizm sənayesinin inkişafı üçün tətbiq olunan mexanizmlərdən biridir.

Heç bir halda turizm şirkətinin işini məhdudlaşdırmaq niyyətində olmadıqlarını deyən K.Qasımov əlavə edib ki, ölkədə turizm şirkətlərinin, turizm sənayesinin fəaliyyətinin tənzimlənməsi, onların göstərdiyi xidmət keyfiyyətinin artırılması çox vacibdir:

"Turist şirkətlərinin göstərəcəyi xidmət turistlərin məmnunluğu baxımından önəmlidir. Bazarda kifayət qədər turizm şirkətləri, sənaye üzvləri var ki, onların fəaliyyətinin nəzarət altına alınması, keyfiyyət qiymətləndirilməsinə ehtiyac var".

Trend-in ən mühüm və maraqlı xəbərlərini "Telegram"da izləyin

Whatsapp ilə göndər