Aktual mövzular: Dollar alış-satışı, Neftin qiyməti, COP29, Hava proqnozu

Yunus Oğuzun ''Çingiz xan'' romanı çapdan çıxdı

Tarix: 3 Sentyabr 2020 16:22

Tarixi romanlar müəllifi, yazıçı-publisist Yunus Oğuzun yeni tarixi romanı çap edilib.

Sonxeber.net "OLAYLAR"-a istinadən xəbər verir ki, yazıçının bu dəfəki romanı Böyük Monqol İmperiyasının banisi Çingiz xana həsr olunub. Romanda Çingiz xanın həyatı, keçdiyi döyüş yolu, yaratdığı imperiyanın dünyaya necə səs-soraq salması, eləcə də Çingiz xana qarşı müttəfiqlik edən qüvvələr barədə oxucular ətraflı məlumat əldə bilərlər.

"Xan" mətbəəsində işıq üzü görən "Çingiz xan" adlı kitaba ön sözü filologiya elmləri doktoru, akademik, AMEA-nın müxbir üzvü, Milli Məclisin deputatı Nizami Cəfərov yazıb.

Qeyd edək ki, bundan əvvəl Yunus Oğuz Əmir Teymur, Nadir şah, Təhmasib şah və digər tarixi qəhrəmanlar, sərkərdələr barədə tarixi romanlar yazıb. Yazıçının əsərləri dünyanın bir sıra ölkələrində nəşr olunub. Ümumilikdə Yunus Oğuzun 23 ölkədə 47 kitabı dərc edilib.

Whatsapp ilə göndər