Aktual mövzular: Dollar alış-satışı, Məzənnə, Neftin qiyməti

"Bizə zaman lazım idi" - Füzuli Məmmədov

Tarix: 20 Sentyabr 2020 23:20

"Bu qələbəmizi bütün neftçilərə və komandamızın azarkeşlərinə həsr edirik. Avropa Liqasının oyunundan sonra komandada yorğunluq var idi. Çalışdıq ki, oyunçuları maksimum hazırlayaq. Komandamız bu gün meydanda əzmkarlıq göstərdi. Futbolçularımızı və azarkeşlərimizi təbrik edirəm. Bu qələbə bizim üçün çox vacib idi".

Qol.az xəbər verir ki, bu sözləri “Neftçi”nin baş məşqçisi Füzuli Məmmədov Azərbaycan Premyer Liqasının 3-cü turunda "Qarabağ"ı 2:1 hesabı ilə məğlub etdikləri oyundan sonra mətbuat konfransında deyib.

- "Neftçi" bu gün güclü idi deyə qələbə qazandı, yoxsa "Qarabağ"ın fiziki yorğunluğundan istifadə etdi?

- Hər iki komanda yorğun idi. "Qarabağ"ın uzun yoldan gəlməsini də qeyd edərdim. Rəqibin zəif olduğunu deməzdim. Amma bu gün futbolçular meydanda mübarizə aparıb qələbə qazandılar.

- Tallison nə üçün ehtiyatda qalır?

- O, özünə çox diqqət yetirən futbolçudur. Bu oyunda limitə görə ehtiyatda qaldı.

- Prins İbara hücum xəttini gücləndirəcək futbolçudurmu?

- O, çox güclü futbolçudur. "Qalatasaray"la oyundan sonra da çox yorulmuşdu. Bu, onda hiss olunurdu. Mirabdulla Abbasovun həm davranışı, həm də oyuna münasibəti çox dəyişib. Belə davam etsə, əsas heyətin oyunçusuna çevrilə bilər.

- Sizə elə gəlmirmi ki, Anton Krivotsyukun yoxluğu "Neftçi"yə faydalıdır?

- Anton bizim vacib futbolçumuzdur. Səhvsiz oyunçu yoxdur. "Sumqayıt"la oyunda problemlərimiz var idi, amma indi bunlar aradan qalxıb. Bizə zaman lazım idi, mən bütün futbolçularıma inanıram. (Report)

 

 


Etiketlər:  Bizə zaman lazım idi Füzuli Məmmədov


RƏYLƏR



Populyar Xəbərlər

XƏBƏR LENTİ