Aktual mövzular: Dollar alış-satışı, Neftin qiyməti, COP29, Hava proqnozu

Bəzi sürücülər maskadan istifadə etmir, normadan artıq sərnişin götürür

Bəzi sürücülər maskadan istifadə etmir, normadan artıq sərnişin götürür

Tarix: 15 Oktyabr 2020 16:48

Koronavirus (COVID-19) pandemiyası ilə mübarizə məqsədilə ölkəmizdə tətbiq edilmiş xüsusi karantin rejiminin tələblərinə ictimai nəqliyyatda riayət olunmasına nəzarət məqsədilə Lənkəran Rayon Polis Şöbəsinin Dövlət Yol Polisi Bölməsinin əməkdaşları tərəfindən reyd keçirilib.

DİN Mətbuat Xidmətinin Lənkəran regional qrupundan Sonxeber.net-a verilən məlumata görə, reyd zamanı rayondaxili marşrutlarda sürücü və sərnişinlərin gigiyenik vasitələr və sosial məsafə ilə bağlı müəyyən edilmiş qaydalara riayət etməsi yoxlanılıb. Sərnişinlərlə profilaktik söhbətlər aparılıb və tibbi maskalardan istifadənin zəruriliyi diqqətə çatdırılıb. Edilən xəbərdarlıqlara rəğmən bəzi sürücülərin də tibbi maskadan istifadə etmədiyi, nəqliyyat vasitəsinə normadan xeyli sayda artıq sərnişin götürdüyü müəyyən edilib. Bu halların infeksiyanın yayılması riskini artırdığı onlara izah edilib və həmin sürücülər barəsində qanunamüvafiq tədbirlər görülüb.

Reyd zamanı, həmçinin taksi fəaliyyəti ilə məşğul olan şəxslərin də gigiyenik vasitələrdən istifadə etməsi yoxlanılıb və karantin qaydalarını pozanlar barəsində inzibati protokollar tərtib edilib.


Etiketlər:  Bəzi sürücülər maskadan istifadə etmir normadan artıq sərnişin götürür


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ