Aktual mövzular: Dollar alış-satışı, Neftin qiyməti, COP29, Hava proqnozu

Zəngilanlı idmançımız: “Belə sevinci heç medal qazananda yaşamamışdım”

Zəngilanlı idmançımız: “Belə sevinci heç medal qazananda yaşamamışdım”

Tarix: 21 Oktyabr 2020 18:30

"Doğulduğum Zəngilanın işğaldan azad edilməsi xəbərini səbirsizliklə gözləyirdim. İlk xəbəri elə ölkə başçısı İlham Əliyevdən eşitdim. Onun televiziya vasitəsilə dediyi xəbəri eşidəndə sevincimin həddi-hüdudu yox idi. Belə sevinci heç medal qazananda yaşamamışdım. Bu, başqa cür sevinc idi".

Bunu oxu.az-a II Avropa Oyunlarının qalibi Asiman Qurbanlı deyib.

Zəngilanın Mincivan qəsəbəsindən məcburi köçkün olan karateçimiz tezliklə o torpaqlara ayaq basmaq istədiyini bildirib:

"27 ildir ki, həsrətində olduğumuz Zəngilanı işğaldan azad etdiyimizə görə ailəliklə sevincliyik.

Biz məcburi köçkün olanda mənim bir yaşım olub. İnşallah, Mincivanı da işğaldan azad edərik və tezliklə ora gedərik. Sizə ötən il verdiyim müsahibədə bildirmişdim ki, anam və atam ora barədə mənə yetərincə danışıb.

Evimizin şəkillərinə baxmışam. Yenə də düşünürəm ki, oraya getsəm, öz evimizi tapa biləcəyəm.

Şəhidlərimizin ailələrinə səbir diləyirəm. Bu torpaqlar onların sayəsində alınıb. Vətən uğrunda əziyyət çəkən hər bir şəxsə isə Allah güc-qüvvət versin".


Etiketlər:  Zəngilanlı idmançımız Belə sevinci heç medal qazananda yaşamamışdım


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ