Aktual mövzular: Dollar alış-satışı, Məzənnə, Neftin qiyməti

Qarabağ regional əhəmiyyətli ekoturizm mərkəzinə çevriləcək - Assosiasiya

Tarix: 6 Dekabr 2020 08:36

Bakı. Fidan Babayeva - Trend:

Dağlıq Qarabağ böyük turizm potensialına malikdir.

Bunu Trend-ə Azərbaycan Hotellər və Restoranlar Assosiasiyasının İdarə heyətinin sədri Samir Dübəndi deyib.

Onun sözlərinə görə, Qarabağ regional əhəmiyyətli, daha sonra dünya əhəmiyyətli ekoturizm mərkəzinə çevriləcək:

"Azad edilmiş ərazilərdə itirilmiş kommunikasiya infrastrukturunun bərpasından sonra biznes üçün, o cümlədən turizmin inkişafı üçün əlverişli mühitin yaradılması planlaşdırılır".

S.Dübəndi bildirib ki, Qarabağda ekoturizm fəaliyyəti yüksək sürətlə inkişaf edəcək:

"Ekoturizm bu ərazilərin gələcəyidir, çünki buralar təbii ehtiyatlarla zəngindir. Bu ərazilərdə həm də müxtəlif növ ekstremal turizm, aqroturizm, yaşıl turizm, piyada gəzintilər, göbələk turları təşkil etmək olar".

Ekstremal turizmin inkişafından danışan Assosiasiya sədri vurğulayıb ki, raftinq, qayayadırmanma, alpinizm və yelkən idmanı növlərinin inkişafı nəzərdən keçirilir.

Whatsapp ilə göndər