''Əsgərlərimizi unutdular'' - Qəzəblənən ermənilər Gümrü-Bavra yolunu bağladılar - VİDEO

Tarix: 16 Dekabr 2020 16:12

Şirak sakinləri Ermənistan-Gürcüstan sərhədinə gedən Gümrü-Bavra yolunu bağlayıblar. Etirazçılar İrəvan istiqamətindəki əsas yolu bağlamaq niyyətindədirlər.

Onların əsas tələbi, Ermənistanın Şirak bölgəsindəki bir neçə kəndin sakini olan əsir götürülmüş erməni əsgərlərini geri qaytarmaqdır.

Sonxeber.net erməni KİV-lərinə istinadən xəbər verir ki, bu barədə Şirak sakini Karapet Poqosyan danışıb.

"Bölgəmizdən 150 nəfər tutulub. Təxminən dörd gün mühasirəyə alınıblar, tamamilə unudulub və indi ələ keçiriliblər", - Poqosyan deyib. 

Məsələni yerindəcə aydınlaşdırmaq üçün kəndlərdən birinin başçısı İrəvana gəlməlidir.

Əvvəllər sosial şəbəkələrdə silahsız onlarla erməni əsgərinin çox sayda Azərbaycan əsgər dəstəsinin müşayiəti ilə naməlum istiqamətdə getdiyi videolar yayılmışdı.