Aktual mövzular: Dollar alış-satışı, Neftin qiyməti, COP29, Hava proqnozu
Tarix: 18 Dekabr 2020 09:54
FİFA-nın ilin ən yaxşı futbolçu mükafatına iddiaçı olan "üçlüy"ünün kimə səs verməsi açıqlanıb.
Sonxeber.net apasport.az-a istinadla bildirir ki, 1-ci yeri tutan Robert Levandovski (Polşa, "Bavariya"), 2-ci olan Kriştiano Ronaldo (Portuqaliya, "Yuventus") və 3-cü yerin sahibi Lionel Messi (Argentina, "Barselona) millinin kapitanları kimi səs vermək hüququndan yararlanıb.
Levandovski nə özünə, nə də əsas rəqiblərinə səs verib. O, Tyaqo Alkantaranı 1-ci, Neymarı 2-ci, Kevin de Breyneni 3-cü yerə layiq bilib.
Ronaldo isə daha düzgün seçim edib. O, iki əsas rəqibini ilk iki sıraya layiq bilib. Levandovskini 1-ci yerdə görən portuqaliyalı Messini 2-ci göstərib. O, üçüncü sıranı Killian Mbappeyə verib.
Messi isə Neymarı 1-ci, Mbappeni 2-ci, Levandovskini 3-cü hesab edib. Bir sözlə, Ronaldo hər iki rəqibinin gücünə ədalətli qiymət versə də, digər iki oyunçu portuqaliyalıya qarşı fərqli davranıb.