Aktual mövzular: Dollar alış-satışı, Məzənnə, Neftin qiyməti

Hirkan Milli Parkındakı yanğının qarşısı nisbətən alınıb - ETSN

Tarix: 15 Yanvar 2021 12:28

Bakı. İlhamə İsabalayeva - Trend:

Ərazidə külək səngisə də, Hirkan Milli Parkında yanğın hələ davam edir. Lakin gecə saatlarına nisbətən yanğının qarşısı nisbətən alınıb.

Trend-in məlumatına görə, bunu ETSN-nin Bioloji Müxtəlifliyin Qorunması Xidmətinin rəisi Firuddin Əliyev deyib.

Onun sözlərinə görə, dünən gecə saatlarından başlayan yanğın Hirkan Milli Parkının İranla həmsərhəd əraziyə yaxın - Astarada baş verib.

F.Əliyev qeyd edib ki, küləyin güclü olması və relyefin mürəkkəb olması əraziyə yanğınsöndürənlərin müdaxiləsini çox çətinləşdirir. Buna görə də ancaq əl əməyindən istifadə olunur:

"Hirkan Milli Parkının və ərazidəki meşə müəssisəsinin əməkdaşları, Fövqəladə Hallar Nazirliyinin yerli bölməsi, kənd camaatı yanğının söndürülməsinə iştirak edirlər.Səhər saat 8.30-da bir qrup heyət də yanğının söndürülməsinə əlavə kömək üçün göndərilib".

Whatsapp ilə göndər