Aktual mövzular: Dollar alış-satışı, Neftin qiyməti, COP29, Hava proqnozu

Messi üzr istədi

Messi üzr istədi

Tarix: 20 Iyul 2019 22:20

Argentina millisi və "Barselona"nın kapitanı Lionel Messi Cənubi Amerika Futbol Konfederasiyasından (CONMEBOL) rəsmi şəkildə üzr istəyib.

Qol.az xəbər verir ki, bu barədə Argentinanın "La Nacion" nəşri məlumat yayıb. 32 yaşlı futbolçunun bəyanatının bu gün yerli futbol federasiyası tərəfindən sözügedən quruma göndərildiyi bildirilib. Üzrxahlıq mesajında federasiya nümayındələrinin izahlı şərhləri də yer alıb. Onların sözlərinə görə, Messi "CONMEBOL"dakı rüşvət iddiaları haqda danışarkən rəsmi şəxsləri deyil, hakimləri nəzərdə tutub. Həmçinin federasiya hesab edir ki, Leo sözügedən məsələyə görə günahlandırılmamlıdır. Çünki o, həmin vaxt gərgin psixoloji durumda olub.

"La Nacion" nəşrinin iddiasına görə, "CONMEBOL" Messi ilə bağlı intizam işini bağlayacaq. Bu isə o deməkdir ki, forvard həm cəzadan, həm də cərimədən xilas olacaq.

Qeyd edək ki, qurum haqda ittihamlarına görə Messinin 2 il müddətinə millinin oyunlarından kənarlaşdırması gündəmdə idi.

 


Etiketlər:  Messi üzr istədi


RƏYLƏR



Populyar Xəbərlər

XƏBƏR LENTİ