Aktual mövzular: Dollar alış-satışı, Məzənnə, Neftin qiyməti

Myanmada ölənlərin sayı 510-a çatıb

Tarix: 30 Mart 2021 08:02

Myanmada fevralın 1-dən bəri etirazçılarla təhlükəsizlik qüvvələri arasında baş verən toqquşmalarda ölənlərin sayı 510 nəfərə çatıb.

Milli.Az APA-ya istinadən xəbər verir ki, bu barədə Myanmadakı Siyasi Məhbuslara Yardım Assosiasiyasının hesabatında bildirilib.

Hesablamalara görə, hərbçilər hakimiyyətə gəldikdən sonra etiraz aksiyalarına sərt basqı göstərilir: "Martın 29-da 51 nəfərin ölümü təsdiqlənib, onlardan 14-ü 29-37 yaş aralığındadır".

Qeyd edilib ki, bu günədək 2574 nəfər həbs edilib: "Hazırda 37 məhbus həbs cəzasına məhkum edilib. Daha 120 nümayişçi üçün həbs qərarı çıxarılıb. Bazar ertəsi 20-dən çox adamın nəzarətə alınıb"

Martın 27-dən Myanmar Hava Qüvvələrinə aid təyyarələrin Karen ştatına zərbələr endirməsi nəticəsində yeddi kənddən, təxminən 10 min sakin evlərini tərk etmək məcburiyyətində qalıb.

Milli.Az

Whatsapp ilə göndər