Aktual mövzular: Dollar alış-satışı, Məzənnə, Neftin qiyməti

Bulvarda çökmə olub - FOTO

Tarix: 5 Aprel 2021 17:48

Sosial şəbəkələrdə Dənizkənarı Bulvar ərazisində çökmə baş verdiyini əks etdirən fotolar yayılıb. Sözügedən çökmənin Bakı Kristal Zalın yanındakı ərazidə qeydə alındığı deyilir.

Milli.Az bildirir ki, "Dənizkənarı Milli Park" MMC-nin direktoru Rafael Niftəliyev məsələylə bağlı "Qafqazinfo"ya açıqlama verib.

O qeyd edib ki, çökmə hadisələri zamanla bulvar ərazisinin ayrı-ayrı hissələrində baş verir: "Buna ərazinin sahilətrafı yer olması, həm də relyef təsir edir. Ancaq mütəmadi olaraq briqadalarımız bulvar ərazisində işləyir. Onlar çökmə baş verən əraziləri bərpa edirlər. Həmin ərazi də bərpa ediləcək".

Milli.Az