Aktual mövzular: Dollar alış-satışı, Neftin qiyməti, COP29, Hava proqnozu

Vyetnama xaricdən gələnlər üçün məcburi karantin dövrü 21 günədək uzadılıb

Vyetnama xaricdən gələnlər üçün məcburi karantin dövrü 21 günədək uzadılıb

Tarix: 20 Iyun 2021 19:28

Xarici ölkələrdən Vyetnama gələnlər üçün COVID-19 pandemiyası səbəbindən tətbiq olunan məcburi karantin dövrü 14 gündən 21 günə uzadılıb.

Sonxeber.net AZƏRTAC-a istinadən bildirir ki, bu barədə Vyetnamın mülki aviasiya qurumu açıqlama yayıb. Artıq məsələ ilə əlaqədar ölkənin aviasiya şirkətləri, hava limanları məlumatlandırılıb. Belə bir qərarın qəbul edilməsinin səbəbi son vaxtlar Vyetnamda gündəlik yoluxma hallarının çoxalmasıdır. Səlahiyyətli qurumlar yoluxmaların xaricdən gələnlərlə əlaqəli olduğunu güman edir.

Qeyd edək ki, virusun yayılmasının uzun müddət nəzarət altında saxlanıldığı Vyetnamda aprelin sonundan 4-cü və ən ağır dalğa başlayıb. Bu dövrdəki yoluxmaların əsas hissəsinə virusun Britaniya və Hindistan ştamlarının hibridindən əmələ gələn yeni variantı səbəb olub. Son günlər sutkalıq yoluxma sayı üçrəqəmli ədədlə ifadə olunur. İyunun 17-də isə 515 yoluxma aşkarlanıb ki, bu da pandemiya dövründə Vyetnamda ən yüksək göstəricidir.


Etiketlər:  Vyetnama xaricdən gələnlər üçün məcburi karantin dövrü günədək uzadılıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ