Aktual mövzular: Dollar alış-satışı, Neftin qiyməti, COP29, Hava proqnozu

''Onların adını belə çəkmək istəmirəm'' - Qurban Qurbanov ermənilər haqda + Video

Tarix: 7 Avqust 2019 20:48

“Qarabağ”ın baş məşqçisi Qurban Qurbanov Çempionlar Liqasının üçüncü təsnifat mərhələsində Kiprdə keçirilən APOEL – “Qarabağ” oyununda Azərbaycan klubuna qarşı erməni təxribatına sərt reaksiya verib.

Qol.az-ın məlumatına görə, qarşılaşmadan əvvəl Kiprdəki Erməni Beynəlxalq Komitəsi Qarabağ məsələsiylə bağlı yalan, saxta məlumat yayıb. Bununla kifayətlənməyən qurum APOEL – “Qarabağ” matçına erməni bayrağı gətiribər. Kipr polisi Azərbaycan klubunun əvvəlcədən xəbərdarlıq xarakterli müraciətinə məhəl qoymayıb.

Qurban Qurbanov "supersport.az"a deyib:

“Ümumiyyətlə, onlar haqda danışmaq, adlarını da söyləmək istəmirəm. Biz peşəkarıq, idmançıyıq. Bütün diqqətimiz oyunda, lazım olan sərfəli nəticə əldə, ölkəmizi layiqincə təmsil etmək idi. Allaha şükürlər olsun ki, çətin olsa da, qələbə qazandıq. Təxribatlara gəlincə, olub, olacaq. “Qarabağ” komandası olaraq düzgün işimiz, istəyimiz, oyunumuzla uğurlar qazanmalıyıq ki, belə xoşagəlməz məqamlar bizə təsir etməsin”.