Elektrik naqilləri oğurlandı - Sakinlər əziyyət çəkir - VİDEO

Tarix: 30 Iyun 2021 11:44

Bərdədə 2 aydır subartezian quyusunun elektrik naqilləri oğurlanıb. Bu səbəbdən də quyudakı sudan istifadə edilmir. Naqillərin bərpa edilməməsinə görə, sakinlər əziyyət çəkir. Bəs problem nə vaxt həll ediləcək?

Sonxeber.net xezerxeber.az-a istinadən bildirir ki, Bərdədə suvarmada istifadə edilən subartezian quyusu sıradan çıxıb, əkin sahələri susuz qalıb.  

Buna səbəb isə təmirə dayanan supartezian quyusunu elektrik enerjisi ilə təmin edən naqillərin naməlum şəxs və yaxud da şəxslər tərəfindən oğurlanmasıdır.

Təxminən iki aydır yaranan problem hələ də həll olunmayıb. Təxminən 40 hektar  əkin sahəsi susuzluqdan yanır. Təsərüfat sahibləri dəfələrlə aidiyyati dövlət orqanlarına müraciət etsələr də heç bir nəticə yoxdur.

Məsələylə bağlı Bərdə rayon Subartezian quyuları istismarı idarəsinin rəisi Şəmil Ziyadov "XəzərXəbər"ə bildirib ki, təmir zamanı su quyusunun elektrik naqillərinin oğurlanması ilə bağlı rayon polis şöbəsin məlumat verilib. Yaxın günlərdə yeni elektrik naqilləri alınaraq şəbəkəyə qoşulacaq və subartezian quyusu istifadəyə veriləcək.