Aktual mövzular: Dollar alış-satışı, Neftin qiyməti, COP29, Hava proqnozu

Koronavirusdan sağalanların yarısında yeni xəstəliklər üzə çıxıb - ARAŞDIRMA

Koronavirusdan sağalanların yarısında yeni xəstəliklər üzə çıxıb - ARAŞDIRMA

Tarix: 5 Sentyabr 2021 13:46

2020-ci ilin sonunda COVID-19 diaqnozu ilə xəstəxanaya yerləşdirilən insanların təxminən 85 faizi hələ də virusun simptomlarını hiss edir.

Sonxeber.net oxu.az-a istinadən bildirir ki, bu barədə "Journal of Hospital Medicine" yazır.

Miçiqan Universitetinin tədqiqatçıları 2020-ci ilin payızının sonu və 2021-ci ilin qışında koronavirusla xəstəxanaya yerləşdirilən 253 xəstənin məlumatlarını təhlil edib. Respondentlərdə orta yaş həddi 60 olub.

Xəstəlikdən müalicə olunanların təxminən 85 faizi altı ay sonra hələ də tam sağalmadıqlarını deyiblər. Hətta tam müalicədən sonra da onlarda koronavirusun simptomları olub. Həmin şəxslər hələ də özlərini sağlam hiss etmirlər.

Bundan əlavə, COVID-19-dan sağalan insanların yarıdan çoxunda, təxminən 55 faizində altı ay ərzində yeni bir xəstəlik aşkar olunub: əvvəllər olmayan ürək və ağciyər xəstəlikləri.

Sorğu iştirakçılarının demək olar ki, dörddə biri şiddətli öskürəkdən, 20 faizi isə sürətli və ya nizamsız ürək döyüntüsündən şikayət edib. Təxminən 16 faiz insan evdə vaxtaşırı oksigen cihazından istifadə edir. Bundan başqa, onlar hərəkət etməklə də bağlı problem yaşayırlar.


Etiketlər:  Koronavirusdan sağalanların yarısında yeni xəstəliklər üzə çıxıb ARAŞDIRMA


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ