Aktual mövzular: Dollar alış-satışı, Neftin qiyməti, COP29, Hava proqnozu

Boşandıqdan altı ay sonra evlənib yenidən ayrıldılar

Tarix: 12 Sentyabr 2021 02:32

Bakıda 15 il evli olan cütlük boşandıqdan 6 ay sonra yenidən evlənib, 1 il sonra təkrar boşanıblar.

Sonxeber.net axşam.az-a istinadən xəbər verir ki, İradə Kamalova (şərti) və Xəlil Pənahov (şərti) birgə Xətai rayon məhkəməsinə müraciət edərək bu ilin fevral ayında daxil olduqları nikaha məhkəmə tərəfindən xitam verilməsini istəyiblər. Məhkəmədə dindirilən İ. Kamalova bildirib ki, 2006-cı ildə X. Pənahovla ailə qurub:

"Bizim 2007-ci və 2010-cu ildə övladlarımız dünyaya gəldi. Münasibətlərimizdə problem olduğu üçün 2019-cu ilin avqust ayında boşandıq. Həmin vaxt uşaqlar mənimlə qaldı. 2020-ci ilin fevral ayında övladlarıma görə Xəlillə barışdım. Rəsmi olaraq yenidən nikaha daxil olduq. Lakin barışıq sonrası xasiyyətlərimizin hələ də uyğunlaşmadığını gördük və yenidən boşanmaq istəyirik".

Hakim Aygün Həsənovanın sədrliyi ilə keçirilən məhkəmədə tərəflər arasındakı nikah təkrar pozulub və cütlük ikinci dəfə boşanıb.

Whatsapp ilə göndər