Aktual mövzular: Dollar alış-satışı, Neftin qiyməti, COP29, Hava proqnozu

“Qarabağ” səfərdə “Kayrat”a qalib gəldi - YENİLƏNİB - VİDEO

Tarix: 4 Noyabr 2021 21:50

"Qarabağ" avrokuboklarda növbəti oyununu keçirib.

Milli.Az apasport.az-a istinadən bildirir ki, qitə miqyaslı turnirlərdə mübarizəni davam etdirən yeganə Azərbaycan təmsilçisi Konfrans Liqasının IV turunda meydana çıxıb.

Ağdam klubu Qazaxıstanda "Kayrat"ın qonağı olub. Qarşılaşmada bütün qollar ikinci hissədə vurulub. Öncə İbrahima Vadji hesabı açsa da, Kevin Medinanın kobud səhvindən sonra meydan sahibləri bərabərlik qoluna imza atıb. Lakin cari mövsümdə avrokuboklarda uduzmayan "Qarabağ" ardıcıl üçüncü qələbəsini qazanmağa müvəffəq olub. Abdullah Zubir təmsilçimizə qələbə gətirən topa imza atıb.

Bu qələbədən sonra xal hesabını 10-a çatdıran "Qarabağ" qrupdan çıxmağa doğru daha bir addım atıb. Ağdamlıların ilk iki yerdən birini tutması artıq bu gün rəsmiləşə bilər. Əgər "Bazel" "Omoniya"ya uduzmasa, Premyer Liqanın vitse-çempionu Azərbaycan futbolu tarixində ilki rəsmiləşdirərək qrupdan çıxacaq.

Qeyd edək ki, "Qarabağ" növbəti oyununu noyabrın 25-də İsveçrədə "Bazel"ə qarşı keçirəcək.

Konfrans Liqası
H qrupu, IV tur
4 noyabr
19:30. "Kayrat" - "Qarabağ" - 1:2
Qollar: Joze Kante, 68 - İbrahima Vadji, 58, Abdullah Zubir, 72
Baş hakim: Dumitri Muntean (Moldova)
"Kayrat": 1. Stas Pokatilov (k), 20. Rade Duqalyiç, 4. Nurali Alip, 15. Maki Banyak, 11. Yan Veroqovski, 13. Kamo Oqanesyan, 22. Neboyşa Kosovaç, 6. Yatsek Qoralski, 16. Rikardo Alveş, 18. Joze Kante, 9. Vaqner Lav
Ehtiyat oyunçular: 30. Danil Ustimenko, 3. Sergey Keyler, 7. Quljiqit Alıkulov, 8. Aybol Abiken, 19. Artur Şuşenaçev, 23. Andrey Ulşin, 24. Dino Mikanoviç, 25. Joao Paulo, 28. Yerkebulan Seydaxmet, 29. Daniyar Ussenov, 33. Denis Polyakov, 46. Arsen Burançiyev
Baş məşqçi: Kurban Berdıyev
"Qarabağ": 1. Şahruddin Məhəmmədəliyev, 5. Maksim Medvedev (k), 81. Kevin Medina, 27. Toral Bayramov, 30. Abbas Hüseynov, 2. Qara Qarayev, 6. Patrik Andrade, 19. Filip Ozobiç, 20. Kadi Borqes, 10. Abdullah Zubir, 25. İbrahima Vadji
Ehtiyat oyunçular: 12. Emil Balayev, 89. Amin Ramazanov, 4. Rahil Məmmədov, 7. Riçard Almeyda, 13. Bəhlul Mustafazadə, 18. İsmayıl İbrahimli, 22. Musa Qurbanlı, 29. Marko Veşoviç, 44. Elvin Cəfərquliyev, 77. Ramil Şeydayev
Baş məşqçi: Qurban Qurbanov
Almatı. Mərkəzi Arena

1	Qarabağ	4	3	1	0	8-3	10
2	Bazel	3	2	1	0	7-3	7
3	Kayrat	4	0	1	3	4-8	1
4	Omoniya	3	0	1	2	2-7	1

21:03

1	Bazel	3	2	1	0	7-3	7
2	Qarabağ	3	2	1	0	6-2	7
3	Kayrat	3	0	1	2	3-6	1
4	Omoniya	3	0	1	2	2-7	1

08:32

Azərbaycanın avrokuboklardakı yeganə təmsilçisi "Qarabağ" bu gün növbəti oyununa çıxacaq.

Milli.Az apasport.az-a istinadən bildirir ki, Ağdam təmsilçisi Konfrans Liqasının qrup mərhələsinin IV turunda "Kayrat"la üz-üzə gələcək.

İki həftə əvvəl Qazaxıstan təmsilçisini Bakıda 2:1 hesabı ilə məğlub edən Qurban Qurbanovun yetirmələri bu dəfə Almatıda rəqiblə qarşılaşacaq. İlk 3 matçda "Bazel"lə eyni sayda - 7 xal toplayan "Qarabağ" artıq bu turda pley-offa vəsiqəni rəsmiləşdirə bilər. Bunun üçün təmsilçimiz qalib gəlməli, həmçinin "Bazel" səfərdə "Omoniya"ya uduzmamalıdır.

Bu mövsüm avrokuboklarda məğlubiyyət üzü görməyən ağdamlılar uğurlu seriyanı davam etdirmək, "Kayrat" isə növbəti mərhələ şansını əldən verməmək üçün qalib gəlməyə çalışacaq.

Konfrans Liqası
H qrupu, IV tur
4 noyabr

19:30. "Kayrat" - "Qarabağ"
Baş hakim: Dumitri Muntean (Moldova)
Almatı. Mərkəzi Arena