''Atam dedi ki, səni övladlıqdan siləcəm''

Tarix: 28 Noyabr 2021 05:35

Aşıq Zülfiyyə ad gününü "Zaurla Günaydın" proqramında qeyd edib.

Sonxeber.net axşam.az-a istinadən bildirir ki, həyat yoldaşı Sakit bəy onunla birlikdə efirə çıxmaqdan imtina edib. İfaçı bu haqda danışarkən bunları deyib:

"Deyirəm ki, gedək efirə. Cavab verdi ki, nəyə gedirəm? Məni "Xalq artisti" etmisən. Mənim işimi kim görəcək? Restoranımız var, onun işini edir. Səhər gedir bazarlığı edir. Bundan əvvəl çörək zavodunda, qaz idarəsində işləyib. Yeni tanış olanda heç nəyimiz yox idi. İkiotaqlı həyət evimiz var idi. Bir stolumuz var idi. Ona görə də həmişə deyirdim ki, imkanım olsa da, xasiyyətim dəyişməyəcək. Atam demişdi ki, yekəxanalığını görsəm, səndən başqa şeylər eşitsəm, övladlıqdan siləcəm, mənim Zülfiyyə adlı qızım yoxdur".