Aktual mövzular: Dollar alış-satışı, Neftin qiyməti, COP29, Hava proqnozu

200 dollar qarşılığında iğtişaşlarda iştirak edən şəxs qırğız musiqiçi imiş...- VİDEO

Tarix: 9 Yanvar 2022 14:52

Qazaxıstanda saxlanılan qırğız musiqiçi Vikram Ruzaxunov terrorçu deyil.

Sonxeber.net xəbər verir ki, bunu Qırğızıstan Milli Təhlükəsizlik Dövlət Komitəsinin rəhbəri Qamçıbek Taşiyev deyib.

"O, terrorçu deyil. Sadəcə olaraq, istintaq aparan adamlar ya səhvə yol veriblər, ya da o cür rəftar etmək istəyiblər. Bir daha ölkəmizin xüsusi xidmət orqanlarının rəhbəri kimi məsuliyyətlə bildirirəm ki, o, terrorçuluğa cəlb oluna bilməz. Ola bilsin ki, o, təsadüfən yanlış zamanda yanlış yerdə olub", - Taşiyev bildirib.

Qeyd edək ki, ötən gün Qazaxıstanda aksiyalarda tutulan Qırğızıstan vətəndaşının açıqlaması yayılmışdı. Açıqlamasında bildirmişdi ki, 200 dollar qarşılığında Qazaxlstanda iğtişaşlarda iştirak etmək üçün naməlum adamlar tərəfindən ona zəng olunub.

Bu gün isə məlum olub ki, işsiz və terrorçu kimi təqdim olunan həmin şəxs Qırğızıstanın məşhur musiqiçisi Vikram Ruzaxunovdur.

Whatsapp ilə göndər