Eşitməni zəiflədən VƏRDİŞLƏR

Tarix: 5 Fevral 2022 22:06

Eşitmə qabiliyyətinin həyatımızda mühüm roy oynadığı hamıya məlumdur. Nitqimizin formalaşmağı, ərtafdakılarla rahat və keyfiyyətli ünsiyyət bilavasitə eşitmə qabiliyyətimizdən asılıdır.

Bəs biz eşitməmizi qorumaq üçün nələr etməliyik?

Sonxeber.net Respublika Diaqnostika Mərkəzinə istinadla eşitməni zəiflədən vərdişləri təqdim edir:

Qulaqcıqlar: Gündəlik həyatımızda ən çox istifadə etdiyimiz aksesuardır. Küçədə, ictimai nəqliyyatda ətrafınıza baxsanız əksər şəxslərin qulaqcıq taxdığını və onların dinlədikləri musiqinin sizin də eşitdiyinizi görə bilərsiniz. Yüksək səslə musiqi dinləmək xoş olsa da, eşitmə orqanımız üçün akustik travma təhlükəsi yaradaraq eşitmə azlıgına səbəb ola bilər. Odur ki, qulaqlıqdan istifadə edərkən səsi maksimum həddə kimi açmayın!

Qulaq çöpləri: İstifadəsi tövsiyə olunmur. Xarici qulaq keçəcəyindəki qulaq kirini qulaq pərdəsinə dogru hərəkət etdirə, ehtiyatsızlıqdan qulaq pərdəsini belə zədələyə bilərsiniz. Qulağınızı quru salfet və ya bariyerli qulaq çöpü ilə yalnız ön hissədən təmizləmək məsləhət görülür.

Səs-küylü mühit: Yüksək səs küylü yerlər həm eşitmə, həm də ruh sağlamlıgımıza neqativ təsir edir. Mümkün oldugu qədər səs küydən uzaq olun.

Uşaqlarınızı diqqətlə izləyin: Əksər hallarda uşaqlarda eşitmə azlığının oldugunu valideynlər gec başa düşür. Əgər övladınızda ən kiçik eşitmə azlığı şübhəniz varsa mütləq həkimə müraciət edin. Dil açmağını gözləmək zaman itkisi ola bilər. Eşitmə azlığı nə qədər tez aşkarlanarsa erkən müalicə vəya reabilitasiya nəticəsində övladınız daha qısa müddətdə sosial həyata adaptasiya olar.