Aktual mövzular: Dollar alış-satışı, Neftin qiyməti, COP29, Hava proqnozu

Ukrayna işğal şayiələrindən hər ay 2-3 mlrd. dollar itirir

Tarix: 21 Fevral 2022 20:14

Ukraynanın valyuta bazarına spekulyativ təzyiq 1,5-2 mlrd. ABŞ dollar qiymətləndirilir, qaytarılması mümkün olmayan itkilər isə ayda 2-3 mlrd. dollar təşkil edir.

Sonxeber.net APA-ya istinadən bildirir ki, bu barədə "RBC-Ukrayna"ya müsahibəsində Ukrayna Prezidentinin aparat rəhbərinin müavini Rostislav Şurma bildirib.

"Biz görürük ki, belə bir gərgin vəziyyətdə geri qaytarıla bilməyən itkilər ayda 2-3 mlrd. dollar təşkil edir. Bunlar dayandırılmış investisiyalar və əlavə inflyasiya, turizm sektorunda itkilər və hava səyahətlərinin azalmasıdır. Maliyyə bazarlarına da spekulyativ təzyiqlər var ki, bu da borc götürməyi əngəlləyir, məzənnəyə təzyiq göstərir. Bu məbləğ təxminən 1,5-2 mlrd. dollar təşkil edir", - Şurma qeyd edib.

O, ölkədə "stress səviyyəsi" olduğu müddətdə aylıq 2-3 mlrd. dollar itkilərin davam edəcəyini, lakin vəziyyət sabitləşərsə, itkilərin azala biləcəyini söyləyib.

Whatsapp ilə göndər