Aktual mövzular: Dollar alış-satışı, Neftin qiyməti, COP29, Hava proqnozu

Aİ Ukrayna üçün 500 milyon avro ayırır

Aİ Ukrayna üçün 500 milyon avro ayırır

Tarix: 5 Mart 2022 08:50

Avropa İttifaqı Ukraynaya humanitar yardım üçün 500 milyon avro ayırır.

Sonxeber.net "Report"a istinadən bildirir ki, bu barədə Avropa Komissiyasının sədri Ursula fon der Leyen Brüsseldə ABŞ dövlət katibi Entoni Blinkenlə birgə keçirdiyi brifinqdə deyib.

O, bildirib ki, Ukraynada baş verən humanitar fəlakətin miqyası çox narahatedicidir.

"Avropa ötən əsrin ən qaranlıq günlərindən indiyədək görünməmiş miqyasda dağıntı və qaçqın gördü. Biz dərhal 500 milyon avroluq humanitar yardım təqdim edirik və gələcəkdə daha çox vəsait ayıracağıq. Polşa, Slovakiya və Rumıniyada mülki müdafiə mərkəzlərinin yaradılması üzərində sürətlə işləyirik", - fon der Leyen qeyd edib.

Avropa Komissiyasının sədri vurğulayıb ki, Ukrayna daxilində uzanacaq humanitar dəhlizlərin yaradılması üçün hər cür səy göstərilir.

"Çox ehtiyac duyulan humanitar yardım Ukraynanın bütün bölgələrinə çatmalıdır və mülki əhali mühasirədə olan şəhərləri tərk edə bilməlidir", - qurum rəhbəri əlavə edib.


Etiketlər:  Ukrayna üçün milyon avro ayırır


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ