Aktual mövzular: Dollar alış-satışı, Neftin qiyməti, COP29, Hava proqnozu

BMT: Bu ölkədə 9 milyon insan aclıqdan ölmək ərəfəsindədir

Tarix: 15 Aprel 2022 11:40

Cənubi Sudanın 9 milyona yaxın sakini dünya bazarında ərzaqların qiymətinin xeyli qalxması və silahlı qruplaşmaların hərəkətləri səbəbindən ərzaq yardımına kəskin ehtiyac duyur.

Milli.Az "Report"a istinadən xəbər verir ki, bu barədə Birləşmiş Millətlər Təşkilatının (BMT) Cənubi Sudandakı missiyasının (UNMISS) rəhbəri Nikolas Heysom bildirib.

"Cənubi Sudan əhalisinin üçdə ikisi və ya 9 milyona yaxın insan - bunlardan 4,6 milyonu uşaqdır - sağ qalmaq üçün köməyə ehtiyac duyur. Ərzaq qıtlığı ölkənin müxtəlif bölgələrində hiss olunacaq", - o Afrika ölkəsinin paytaxtı Cubada keçirdiyi mətbuat konfransında deyib.

N.Heysom ölkənin təcili və daimi maliyyəyə ehtiyacı olduğunu vurğulayıb. "Yalnız dünya birliyinin birgə səyləri Cənubi Sudanda ən pis hadisələrin qarşısını ala bilər", - o söyləyib.

Milli.Az

Whatsapp ilə göndər