Aktual mövzular: Dollar alış-satışı, Neftin qiyməti, COP29, Hava proqnozu

Düyərli kəndində yol problemi yaşanır - VİDEO

Tarix: 4 Iyul 2022 14:32

Tərtərin Düyərli kəndinin yolu asfalt üzünə həsrət qalıb.

Sonxeber.net Xəzər xəbər-ə istinadən xəbər verir ki, sakinlər yol problemindən əziyyət çəkirlər.

Sakinlərin sözlərinə görə, rayonun əksər yaşayış məntəqələrinə, eləcə də qonşu kəndlərin yollarına asfalt örtüyü çəkilib, amma Düyərlidə oxşar işlər icra edilməyib.

Kənd camaatı şəhər mərkəzinə və digər yaşayış məntəqələrinə getmək üçün çala-çuxurlu yollardan istifadə etməli olurlar. Bu həm vaxt itkisi, həm də avtomobillərin texniki baxımından daha tez sıradan çıxmasına səbəb olur.

Sakinlər yaranmış vəziyyətlə bağlı dəfələrlə adiyyəti dövlət orqanlarına müraciət etdiklərini bildirirlər.

Məsələ ilə bağlı Avtomobil Yolları Dövlət Agentliyinin Tərtər rayon yol istismar idarəsindən bildirilib ki, yaranmış vəziyyətdən xəbərdardırlar. Kənd yolunun bərpası dövlət proqramına salınıb. Mərhələli şəkildə bu işlər davam etdirilir. Növbət il Düyərli kəndinin yoluna asfalt örtüyünün çəkilməsi nəzərdə tutulub.

Mövzu ilə bağlı daha ətraflı videomaterialı təqdim edirik:

Whatsapp ilə göndər