Qıtlıq və aclıq başlayır: Tarix verildi

Tarix: 17 Iyul 2022 23:26

Rusiya Xalqlar Dostluğu Universitetinin Dünya İqtisadiyyatı və Biznes İnstitutunun Beynəlxalq İqtisadi Təhlükəsizlik Proqramının dosenti Hacımurad Belxaroyev bununla bağlı xəbərdarlıq edib.

Onun proqnozu "Prime" nəşrində yayılıb.

İqtisadçının sözlərinə görə, Rusiyada taxıl yığımının rekord həddə çatacağı gözlənilir. Eyni zamanda, Hindistan və ABŞ-da quraqlıq səbəbindən taxıl məhsuldarlığının pisləşməsi ilə bağlı proqnozlar dünyada ərzaq, xüsusilə də çörəyin qiymətlərinin artmasına təkan verir. Belxaroyevin sözlərinə görə, belə proqnozlar məhsuldarlıqla bağlı fikir yaratmaq üçün dərc olunur:

"Unutmamalıyıq ki, Hindistanda, ABŞ-da və Çində  əkin sahələrinin 40 faizindən çoxu rekultivasiya olunub,  onlar fiziki olaraq böyük mənfiliyə düşə bilmirlər, çünki orda həyati əhəmiyyətli məhsullar yetişdirilir".

Ekspert əlavə edib ki, dünya ölkələrinin də hələlik kifayət qədər gübrə ehtiyatı olmalıdır. Belxaroyevin proqnozuna görə, 2023-cü il dünya miqyasında qıtlığın başlanğıcı ola bilər :

"Təbii ki, əgər Rusiya müntəzəm olaraq taxıl və gübrə ixrac edə bilməsə. Taxılın 20 faizindən, gübrənin isə 13 faizindən çoxunu təmin edən Rusiyanı heç kim əvəz edə bilməyəcək. Dünyada əlavə torpaq ehtiyatları yoxdur və kifayət qədər əkin, digər torpaqları olan yeganə ölkə Rusiyadır".