Aktual mövzular: Dollar alış-satışı, Neftin qiyməti, COP29, Hava proqnozu

Boliviyalı “Yer Ana”ya qurban olaraq diri-diri basdırıldı - FOTO

Tarix: 12 Avqust 2022 15:38

Boliviyanın El Alto şəhərində keçirilən festivalda 30 yaşlı kişi huşunu itirərək tabutun içində oyanıb.

Sonxeber.net oxu.az-a istinadən xəbər verir ki, Viktor Hüqo Mika Alvarez iştirakçıların təbiətə təşəkkür etmək üçün toplaşdığı Yer Ana festivalının açılışında kokteyllər içdiyini bildirib. O, sonradan baş vernıləri xatırlamadığını və özünə gələndə qapalı tabutda yatdığını görüb.

"Mənə elə gəlirdi ki, yatağımdayam. Ayağa qalxıb tualetə getmək istəyirdim, amma yerindən tərpənə bilmirdim", - deyə Alvares xatırlayıb. Həmin anda o, festivalın digər iştirakçılarının Yer Anaya qurban olaraq onu diri-diri basdırdıqlarından şübhələnib.

Alvares tabutun yanında olan şüşə pəncərəni sındıraraq çölə çıxmağı bacarıb. Bundan sonra həmin şəxs polisə müraciət etsə də, asayiş keşikçiləri onun həddən artıq sərxoş olduğu üçün danışdıqlarına inanmayıblar.