Aktual mövzular: Dollar alış-satışı, Neftin qiyməti, COP29, Hava proqnozu

Şəhid Eşqin Omarov dəfn edilib - FOTO

Tarix: 17 Sentyabr 2022 20:22

Düşmən təxribatının qarşısını alan zaman şəhid olan Eşqin Omarov Ağstafada dəfn edilib.

Sonxeber.net APA-ya istinadən bildirir ki, 2003-cü il təvəllüldü şəhidlə rayonun Aşağı Kəsəmən kəndində yaşadığı evdə vida mərasimi keçirilib.

Vida mərasimindən sonra 19 yaşlı şəhid doğulduğu Aşağı Kəsəmən kənd qəbirstanlığında torpağa tapşırılıb. Dəfin mərasimində rayon icra hakimiyyətinin rəhbərliyi, ailə üzvləri, rayon sakinləri, ictiamiyyət nümayəndələri iştirak edib.

Dəfndən sonra üçrəngli bayrağımız şəhidin atasına təqdim edilib.

Qeyd edək ki, Eşqin Omarov 2003-cü ildə Ağstafa rayonun Aşağı Kəsəmən kəndində anadan olub. Onun 19 yaşı bu ilin iyulun 10-da tamam olmuşdu. Bir ildən çox idi ordu sıralarında xidmət edirdi.