Aktual mövzular: Dollar alış-satışı, Neftin qiyməti, COP29, Hava proqnozu
Tarix: 22 Sentyabr 2022 21:34
Millətlər Liqasının C divizionunun 5-ci turunda bu gün millimizi qəbul edəcək Slovakiya yığması oyuna ciddi itki ilə çıxacaq.
Sonxeber.net qol.az-a istinadən xəbər verir ki, komandanın əsas qapıçısı Martin Dubravka sıradan çıxıb. "Mançester Yunayted"in yeni transferi zədə səbəbindən heyətdən kənarlaşdırılıb. Onu "Pyast"ın (Polşa) qapıçısı Frantişek Plax əvəzləyib.
Martin Dubravka müqavilə ilə "Nyukasl"a məxsusdur. "Mançester Yunayted" sentyabrın əvvəlində onu icarəyə götürüb.
Qeyd edək ki, bu gün keçiriləcək Slovakiya - Azərbaycan matçı Bakı vaxtı ilə saat 22:45-də başlayacaq.