9-cu sinif şagirdinin başında bıçaq qaldı

Tarix: 6 Oktyabr 2022 17:22

Rusiyada, Voronej vilayətinin Boquçar şəhərində həkimlər 15 yaşlı rusiyalını sinif yoldaşı ilə mübahisə etdikdən sonra xəstəxanaya yerləşdiriblər.

Sonxeber.net bildirir ki, bu barədə vilayət prokurorluğu rəsmi Telegram kanalında məlumat yayıb.

Nəzarət orqanının məlumatına görə, yeniyetmə 9-cu sinif şagirdi olan həmyaşıdı tərəfindən qatlanan bıçaqla yaralanıb. Davaya səbəb "şifahi münaqişə" olub.

TASS Voronej vilayətinin tibb strukturlarının əməkdaşına istinadən dəqiqləşdirib ki, bıçaq hələ də qurbanın başındadır - qulağının üstündə. Uşağın vəziyyəti stabil ağır olaraq qiymətləndirilir.

"Bıçaq başın qulağının üstündən girib və başındadır. Uşaq huşunu itirib, onu Voronej Regional Klinik Xəstəxanasının əməliyyat otağında gözləyirlər", - agentlik mənbədən sitat gətirib.

Artıq prokurorluq hadisə ilə bağlı araşdırmalara başlayıb. Nəzarət qurumu hadisənin təfərrüatlarını öyrənəcək və Boquçarski rayonundakı profilaktika sisteminin orqanlarının işini yoxlayacaq.

İrfan Vəliyev