Aktual mövzular: Dollar alış-satışı, Məzənnə, Neftin qiyməti

Gəncədə doğum vaxtına iki həftə qalan ana əməliyyat edildi, körpə komaya düşdü

Tarix: 5 Yanvar 2023 08:46

Gəncə şəhər Abbas Səhhət adına xəstəxanada qeysəriyyə ilə doğulan körpə komaya düşüb.

Belə ki, normal hamiləlik dövrü keçirən ana dekabrın 27-də son müayinə üçün həmin xəstəxanaya müraciət edib. Hamiləlik müddətində və son dopler müayinəsində körpənin 11-18 yanvar arası dünyaya gələcəyi bildirilsə də, ana Səbinə adlı həkim tərəfindən erkən qeysəriyyə əməliyyatına alınıb.

Milli.Az baku.tv-yə istinadən bildirir ki, şöbə müdiri Şəhla adlı həkim isə bayram tətilində Bakıda olacağını bildirirərək, əməliyyatı dekabrın 29-na təyin edib.

Xəstəxanadan bildirilib ki, Gəncə şəhər sakini Qurbanova Aytən Adil qızı 29.12.2022-ci il tarixində 38 həftəlik hamiləlik və uşaqlıqda ağır çapıq şikayətləri ilə Abbas Səhhət adına xəstəxananın Ginekologiya və doğum şöbəsinə müraciət edib. Həkim-ginekoloq Səbinə Quliyeva doğuşu sonlandırma zərurəti olduğundan (xəstəyə müvafiq hazırlıqlar görüldükdən sonra) hamilə qadın qeysəriyyə əməliyyatı olunub. 3 200 qram çəkisi olan uşaq dünyaya gəlib.

Milli.Az

Whatsapp ilə göndər