Aktual mövzular: Dollar alış-satışı, Neftin qiyməti, COP29, Hava proqnozu

“AzərEnerji”: Bəzi rayonların elektrik xətlərində problemlər ortaya çıxıb

“AzərEnerji”: Bəzi rayonların elektrik xətlərində problemlər ortaya çıxıb

Tarix: 10 Yanvar 2023 18:12

Son günlər havaların kəskin soyuması, nəticədə çovğunla müşahidə edilən qar yağması və buzlaşma ilə əlaqədar ölkənin əsasən dağlıq istiqamətlərində, o cümlədən işğaldan azad edilən bəzi rayonların elektrik veriliş xətlərində müəyyən problemlər ortaya çıxıb.

"AzərEnerji" ASC-dən verilən məlumata görə, Xızı, Qəbələ, Ağsu, Yardımlı rayonunları ilə yanaşı "Kəlbəcər" xəttinin Daşkəsən istiqamətindəki Alaxançallı kəndində, Qubadlı-Laçın xəttinin Güləbird və Şuşa xəttinin Boyük Tağlar kəndlərindən keçən buzlaşmış hissələrində də problemlər yaranıb. Bu və digər ərazilərin elektrik enerjisi ilə təmin olunmaları üçün "AzərEnerji" ASC bütün imkanlarını səfərbər edib.

Qeyd olunur ki, kəskin hava şəraiti işin intensiv aparılmasına mane olur, qarın qalınlığı bəzi ərazilərə texnikanın çıxarılmasını çətinləşdirir. Buna baxmayaraq, problemin həlli istiqamətində ciddi addımlar atılıb və atılır.


Etiketlər:  AzərEnerji Bəzi rayonların elektrik xətlərində problemlər ortaya çıxıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ