Qurban Qurbanov ''Qarabağ''ın məğlubiyyətini şərh etdi

Tarix: 13 Yanvar 2023 21:42

Qarşılaşma pis alınmadı. Bu matçın faydası mənim üçün daha çox olacaq. Meydanda çatışmazlıqları görəndə bunun üzərində işləmək asılı olur.

Sonxeber.net axar.az-a istinadən bildirir ki, bunu "Qarabağ"ın baş məşqçisi Qurban Qurbanov Polşa "Rakuv"una 0:3 hesabı ilə məğlub olduqları yoxlama oyunundan sonra Peşəkar Futbol Liqasının Yutub kanalına açıqlamasında deyib.

"İlk dəqiqələrdən gördük ki, rəqib bizdən daha hazırlıqlıdır. Polşa çempionatının lider olmaları hiss edilirdi. maraqlı komandadır. Bu cür matçlarda hazırlıq səviyyəsi oyuna böyük təsir edir. Futbolçularım yorğun idilər. Bu da normaldır. İlk matçlarda adətən daha zəif kollektivlərlə oynamağa üstünlük veririk. Amma vaxtı azlığı və "Gent"lə oyunu nəzərə alıb bu rəqibi seçdik. Futbolçular çox əziyyət çəkdilər. Qarşıdakı günlərdə detalların üzərində işləyəcəyik", - Q.Qurbanov bildirib.

O, yeni transfer Adama Diakabinin debüt oyunu barədə də söz açıb:

"Çoxdandır oynamır. İdman formasını qaytarmaq çox çətin olacaq. Oyun ritminə düşmək üçün vaxt lazımdır. Ehtiyatlı olmalıyıq, tələssək, futbolçu "yana" bilər. Proqramlı şəkildə hazırlamağa çalışacağıq. Bacarıqlı futbolçudur. İnanıram ki, bizə çox faydası çox olacaq. Onu əvvəlki formasına qaytarmağa çalışacağıq".