Aktual mövzular: Dollar alış-satışı, Məzənnə, Neftin qiyməti

İstanbuldan gələn rusiyalı qadın mədəsində yarım kiloqram kokain daşıyıb

Tarix: 30 Yanvar 2023 11:02

Moskvanın Vnukovo hava limanında mədəsində yarım kiloqrama yaxın kokain olan qadın saxlanılıb.

Milli.Az oxu.az-a istinadən xəbər verir ki, polis onu xəstəxanaya aparmalı və iki gün tualetə getməsini izləməli olub.

23 yaşlı Yevgeniya İstanbuldan Vnukovoya uçub və nədənsə gömrükçülərin şübhəsi altına düşüb. Rentgen şüaları göstərib ki, Yevgeniyanın mədəsində bir topa naməlum əşyalar var.

Sərnişin saxlanılaraq xəstəxanaya aparılıb. Sonrakı iki gündə Yevgeniyanın tualetə getməsi polis tərəfindən diqqətlə nəzarətə götürülüb. Tezliklə bu nəzarət öz nəticəsini verib.

Qadının mədəsindən 90 ədəd qara bağlama çıxıb. Onlar ekspertiza üçün göndərilib və Yevgeniyanın daxilində 446 qram kokain gəzdirdiyi məlum olub.

İndi narkotik qaçaqmalçılığı işi üzrə onu iyirmi ilə qədər həbs gözləyir.

Milli.Az

Whatsapp ilə göndər