Aktual mövzular: Dollar alış-satışı, Məzənnə, Neftin qiyməti

Ekvadorda torpaq onlarla insanı “uddu” - FOTO

Tarix: 28 Mart 2023 11:08

Ekvadorun mərkəzindəki Alausi şəhərində torpaq sürüşməsi nəticəsində itkin düşənlərin sayı 64 nəfərə çatıb.

Bu barədə bazar ertəsi ölkənin fövqəladə hallar idarəsi məlumat yayıb.

Milli.Az oxu.az-a istinadən xəbər verir ki, məlumata görə, 7 nəfərin ölümü təsdiqlənib, 23 nəfər yaralanıb. Daha əvvəl 16 nəfərin yaralanması, 7 nəfərin itkin düşməsi barədə məlumat yayılmışdı.

Ümumilikdə təbii fəlakət zonasında 500 nəfər olub. 163 evin dağıldığı və ya zədələndiyi təxmin edilir. Hadisə yerində axtarış-xilasetmə işləri davam edir.

Qeyd edək ki, fevral ayında ölkənin fövqəladə hallar idarəsi Alausi bölgəsində süxurların yerdəyişməsi riskinin olduğu barədə xəbərdarlıq etmişdi.

Milli.Az