Gəlin ölümcül xəstəliyini toydan bir neçə gün sonra bildi

Tarix: 10 Aprel 2023 03:04

Aprelin 3-də baş tutan toyundan qısa müddət sonra, illərdir xəstəlikdən əziyyət çəkən ingiltərəli Eşli Makmehon yaşamaq üçün yalnız bir neçə gün qaldığını öyrənib.

Sonxeber.net lent.az-a istinadən bildirir ki, 2018-ci ildə Eşli əlamətlərinə görə ilk dəfə həkimlərə müraciət edib və sonra bu mübarizənin 4 il davam edəcəyindən şübhələnib. Uzun illər qarın ağrısı, şişkinlik və nizamsız menstruasiyadan əziyyət çəkib. Əvvəlcə bunun tsklik qusma sindromu olduğunu düşünüblər, sonra ona polikistik yumurtalıq sindromu diaqnozu qoyulub.

"Yumurtalıq kistləri tez-tez baş verə bilər və adətən öz-özünə yox olur, lakin beş santimetrdən böyük olan hər şey narahatlıq doğurur "- britaniyalı deyib.

Onun vəziyyətinin düşündüyündən qat-qat ağır olduğu məlum olub. 2023-cü ilin yanvarında, səhhəti pisləşdikdən sonra o, Liverpul Kral Xəstəxanasına qəbul edilib və ona yumurtalıq xərçənginin nadir və aqressiv forması olan yumurtalıq selikli karsinoma diaqnozu qoyulub. İndi bu yaxınlarda evlənən Eşli Makmehonun ömrünə cəmi bir neçə gün qalıb.