Aktual mövzular: Dollar alış-satışı, Məzənnə, Neftin qiyməti

2030-cu ildə avtomobil bazarının yarısı elektromobillər olacaq

Tarix: 18 Aprel 2023 17:00

ABŞ-də 2030-cu ilə qədər bütün yeni avtomobil satışlarının 50 faizinin elektrikli avtomobillərin təşkil edəcəyi hədəflənir.

Milli.Az-ın TurkicWorld-a istinadən məlumatına görə, bu barədə ABŞ prezidenti Co Bayden bildirib.

O, ABŞ-nin elektrikli avtomobillərə keçidini dəstəkləmək üçün yeni özəl və dövlət sektoru investisiyaları barədə məlumat verib və bu investisiyaların yerli istehsalı təşviq etmək, təchizat zəncirlərini gücləndirmək, ölkənin rəqabət qabiliyyətini artırmaq və yeni iş yerləri yaratmaq məqsədilə həyata keçirildiyini bildirib.

Məlumata əsasən, Co Baydenin hakimiyyətə gəlməsindən sonra ABŞ-də elektrikli avtomobil satışı üç dəfə, elektrikdoldurma məntəqələrinin sayı isə 40 faizdən çox artıb.

Milli.Az

Whatsapp ilə göndər