Aktual mövzular: Dollar alış-satışı, Məzənnə, Neftin qiyməti

Yeniyetmə ögey atasından QİSAS ALDI: Onun qızını baltaladı

Tarix: 12 May 2023 10:36

Novosibirsk yaxınlığındakı İskitimski rayonunda 17 yaşlı qızın vəhşicəsinə öldürülməsinin təfərrüatları məlum olub - onu valideynlərinin övladlığa götürdüyü oğlu baltalayıb.

Milli.Az lent.az-a istinadən xəbər verir ki, gənc oğlan təxminən bir il əvvəl övladlığa götürülüb. Valideynlər 10-dan çox uşaq böyüdüb, onların əksəriyyəti övladlığa götürülüb.

Uşaqlardan biri yetkinlik yaşına çatanda ana və ata yeni yetim uşaqları himayələrinə götürürlər. Yeniyetmə faciə ərəfəsində atası ilə pul üstündə mübahisə edib və onu onun hesabına yaşamaqda ittiham edib. Bundan sonra atası ondan 100 rubl alıb.

Gənc intiqam almaq qərarına gəlib, balta götürüb və səhər tezdən həmyaşıdı, Novosibirskdən tətil üçün gələn atasının öz qızının yatdığı otağa gəlib. Oğlan onun başına balta ilə bir neçə dəfə zərbə endirib, bundan sonra qorxaraq qızı özünə gətirməyə çalışıb, lakin artıq ölüb. Sonra oğlan baltanı yerinə qoyub, paltarını dəyişib və gəzməyə gedib. Qayıdanda evdə polisləri görüb.

Milli.Az