Aktual mövzular: Dollar alış-satışı, Neftin qiyməti, COP29, Hava proqnozu

Yanvar-may aylarında İrandan Türkiyəyə səyahət edən turistlərin sayı 800 minə çatıb

Tarix: 29 Iyun 2023 10:40

2023-cü ilin yanvar-may aylarında İrandan Türkiyəyə 794 min 177 nəfər səyahət edib ki, bu da 2022-ci ilin yanvar-may ayı ilə müqayisədə 5,31 faiz azdır.

Milli.Az xəbər verir ki, bu barədə TurkicWorld-ə Türkiyənin Mədəniyyət və Turizm Nazirliyindən məlumat verilib.

Məlumata görə, 2023-cü ilin may ayında İrandan Türkiyəyə gələn turistlərin sayı ötən ilin qeyd edilən dövrü ilə müqayisədə 7,32 faiz azalaraq 170 min 610 nəfər təşkil edib.

2023-cü ilin yanvar-may aylarında Türkiyəyə 14 milyon 35 min 175 turist səyahət edib, bu da ötən ilin qeyd edilən dövrü ilə müqayisədə 23,65 faiz çoxdur.

2023-cü ilin may ayında Türkiyəyə səyahət edən turistlərin sayı 2022-ci ilin eyni dövrü ilə müqayisədə 16,19 faiz artaraq 4 milyon 500 min 242 nəfərə çatıb.

Bundan əlavə, 2023-cü ilin yanvar-may aylarında Türkiyənin ən çox turist qəbul etdiyi ölkələr arasında 1 milyon 794 min 185 turistlə Rusiya birinci yerdədir. Rusiyanı Almaniya (1 milyon 583 min 953), Bolqarıstan (1 milyon 56 min 524), İngiltərə (987 min 267), İran (794 min 177) izləyib.

Milli.Az

Whatsapp ilə göndər