Aktual mövzular: Dollar alış-satışı, Məzənnə, Neftin qiyməti

Fransa polisi etirazçılara qarşı PUA-lardan istifadə edəcək

Fransa polisi etirazçılara qarşı PUA-lardan istifadə edəcək

Tarix: 2 Iyul 2023 20:02

Paris polisi paytaxtda və qonşu departamentlərdə qarşıdan gələn gecə üçün asayişi qorumaq məqsədilə dronlardan istifadəyə icazə verib.

Milli.Az musavat.com-a istinadən bildirir ki, bu barədə idarənin "Twitter" səhifəsində dərc olunmuş məlumatda deyilir.

"Prefekturanın sərəncamı Parisdə, 92-ci departamentin bəzi kommunalarında, həmçinin 93-cü departamentdə bu gecə saat 18:00-dan (Bakı vaxtı ilə 20:00) bazar ertəsi səhər saat 06:00-a (Bakı vaxtı ilə 09:00) qədər dronlardan istifadə edərək şəkillərin çəkilişinə, baş verənlərin qeydə alınmasına və ötürülməsinə icazə verir", - məlumatda bildirilir.

Qeyd edək ki, Fransada iğtişaşlar 17 yaşlı sürücünün iyunun 27-də yol patrulunun tələblərinə tabe olmaqdan boyun qaçıraraq öldürülməsindən sonra başlayıb. Əlcəzairli yeniyetməni güllələyən fransız polis məmuru nəzarətə götürülüb. Mərhumun dəfn mərasimi şənbə günü keçirilib.

Milli.Az


Etiketlər:  Fransa polisi etirazçılara qarşı PUA lardan istifadə edəcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ