Həftə sonu güclü maqnit qasırğası olacaq - XƏBƏRDARLIQ

Tarix: 14 Iyul 2023 23:48

İyulun 15-də Yer kürəsini güclü geomaqnit qasırğası bürüyəcək. O, bütün planeti əhatə edəcək və insanların rifahına təsir edə bilər.

Milli.Az lent.az-a istinadən bildirir ki, alimlər xəbərdarlıq edirlər ki, iyulun 14-ü axşam saatlarında cüzi dalğalanmalar gözlənilir və buna görə də bir çox insanlarda halsızlıq, apatiya, güclü yorğunluq, baş ağrıları və s. yarana bilər. Mütəxəssislərin fikrincə, cümə günü geomaqnit aktivliyin səviyyəsi K-indeks 4-ə çatacaq, lakin şənbə günü K-indeksi 5 və ya daha yüksək olan qasırğa gözlənilir.

Proqnoza görə, yüksək səviyyədə geomaqnit aktivliyi iyulun 16, 17, 18 və 19-dan sonra da davam edəcək, göstəricilər orta günəş qasırğasına uyğun gələn 4 K-indeksində saxlanılacaq.

Maqnit qasırğaları ən çox yer atmosferinin qoruyucu ekranından kənarda olan astronavtlara zərər verir. Onlar xərçəngə tutulma riskini artıran yüksək səviyyəli radiasiyaya məruz qala bilərlər. Günəş qasırğalarının insanların rifahına təsirini sübut edən çoxlu araşdırmalar da var. Çox vaxt belə günlərdə insanlar rifahın pisləşməsindən, baş ağrısından, konsentrasiyanın, yuxunun pozulmasından şikayətlənirlər.

Xroniki xəstəlikləri və immun sistemi zəif olan insanlar da risk altındadır.

Milli.Az