Aktual mövzular: Dollar alış-satışı, Məzənnə, Neftin qiyməti

Füzuli sakini: Bu gün uzun illərin həsrətinin bitdiyi gündür

Füzuli sakini: Bu gün uzun illərin həsrətinin bitdiyi gündür

Tarix: 14 Oktyabr 2023 08:48

Bu gün bizim üçün çox sevindirici, ən gözəl gündür. Füzulidən 24 yaşımda çıxmışam. İndi 58 yaşımda doğma yurduma qayıtmağın sevincini yaşayıram.

Milli.Az xəbər verir ki,  bu sözləri 30 illik erməni işğalından azad edilən Füzuliyə geri qayıdan Tünzalə Quluzadə AZƏRTAC-a müsahibəsində deyib.

Vətən uğrunda canlarını fəda etmiş şəhidlərimizə Allahdan rəhmət, qazilərimizə şəfa diləyən Füzuli sakini doğma yurduna qayıtdığına görə Müzəffər Ali Baş Komandan İlham Əliyevə də minnətdarlığını bildirib.

On il bir sinifdə oxuduğu sinif yoldaşını 31 il sonra - bu gün Füzuliyə qayıdarkən görməsinin də sevincini yaşayan Tünzalə Quluzadə doğma yurda qayıtdıqdan sonra birlikdə qurub yaradacaqlarını bildirib. "Doğma yurdumuzda hər bir işi görməyə hazırıq. Uzun illərin həsrəti bitir. Füzulini yenidən qurub-yaradacağıq, əvvəlkindən daha gözəl vəziyyətə gətirəcəyik", - deyə o qeyd edib.

Milli.Az


Etiketlər:  Füzuli sakini Bu gün uzun illərin həsrətinin bitdiyi gündür


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ