Avstriyada “Leopard 2” tankı aşıb, ölən və yaralananlar var - FOTO

Tarix: 17 Oktyabr 2023 07:56

Avstriya ordusunun Allenştayqe poliqonu yaxınlığında "Leopard 2" tankı aşıb. Tankın uçurumdan aşması nəticəsində bir ekipaj üzvü həlak olub, daha üç nəfər yaralanıb.

Sonxeber.net report-a istinadən xəbər verir ki, Silahlı Qüvvələrin sözçüsü Maykl Bauerin sözlərinə görə, tankda 4 nəfər olub. Qəza nəticəsində Rid-im İnnkrays dairəsindən olan 24 yaşlı çavuş ölüb. Digər üç əsgər, 23 yaşlı çavuş və 19 və 20 yaşlı hərbi qulluqçu yüngül yaralanıb və təcili yardım maşını ilə Horn xəstəxanasına aparılıb.

Avstriya ordusunun məlumatına görə, bir neçə təcili yardım maşını və ən azı bir helikopterin cəlb olunduğu xilasetmə əməliyyatı dərhal başlayıb. Qəzanın necə baş verdiyi hələ məlum deyil. İlkin məlumatlara görə, tank poliqondan kənarda olub.

2023-cü ilin oktyabr ayına olan məlumata görə, Avstriyada 2 müxtəlif modifikasiyalı 58 ədəd "Leopard" tankı xidmətdədir.