''Fənərbağça''dan qəribə addım - Bu şəxslər stadiona girə bilməz

Tarix: 2 Dekabr 2023 19:24

Türkiyənin "Fənərbağça" klubu "A Haber" və "A Spor"un stadiona girişinə qadağa qoyub. 

Sonxeber.net qafqazinfo-ya istinadən xəbər verir ki, bu haqda klub açıqlama yayıb.

"A Spor" telekanalında şərh vermək adı altında şəxsi reklamını etməyə cəhd edən şəxs haqqında açıqlama vermək məcburiyyəti yaranıb.

Ozan Zeybek adlı şəxs bu gün ekranda göstərdiyi rəftarla həddini aşıb. Şəxsi rəy çərçivəsində dəyərləndirə bilmədiyimiz və hüdudlarını tamamilə aşmış bu münasibətdən çıxış edərək cəmiyyətə bildirmək istərdik ki, eyni ekranlarda üzr istəməyincə, bu gündən etibarən aidiyyatı qurumun heç bir məsul şəxsini heç bir obyektimizə qəbul etməyəcəyik", - açıqlamada qeyd olunub.

Qeyd edək ki, "A Spor" kanalında şərhçi olaraq "Fənərbağça" və İsmayıl Kartalın gedişatını şərh edən Zeybek İsmayıl Kartal və "Fənərbağça" rəhbərliyini həm tənqid edib, həm də ələ salıb. Zeybekin şərhləri "Fənərbağça" tərəfindən sərt qarşılanıb.