Aktual mövzular: Dollar alış-satışı, Neftin qiyməti, COP29, Hava proqnozu

Quba və Qəbələ “İdman Paytaxtı”, Sumqayıt isə “Gənclər Paytaxtı” seçilib - FOTO

Quba və Qəbələ “İdman Paytaxtı”, Sumqayıt isə “Gənclər Paytaxtı” seçilib - FOTO

Tarix: 7 Dekabr 2023 22:56

Gənclər və İdman Nazirliyinin növbəti kollegiya iclası keçirilib.

Sonxeber.net oxu.az-a istinadən xəbər verir ki, kollegiyanın sədri, nazir Fərid Qayıbovun sədrliyi ilə baş tutan toplantıda gündəliyə əsasən, 2024-2025-ci illər üçün idman paytaxtlarının və 2025-ci il üçün gənclər paytaxtının seçilməsi məsələləri müzakirə edilib.

Namizəd şəhərlərin nümayəndələri təqdimatla çıxış edərək məlumat veriblər. Təqdimatlardan sonra elektron səsvermə nəticəsində Quba 2024-cü il, Qəbələ isə 2025-ci il üçün "İdman Paytaxtı" seçiliblər.

Kollegiyada həmçinin 2025-ci il üçün Gənclər Paytaxtı da məlum olub. Namizəd şəhərlərin təqdimatından sonra Sumqayıt şəhəri 2025-ci il üçün "Gənclər Paytaxtı" seçilib.

Xatırladaq ki, bu il yanvarın 19-da keçirilmiş Kollegiya iclasında Lənkəran şəhəri 2024-cü ilin "Gənclər Paytaxtı" seçilib.

Dövlət qurumlarının əməkdaşları arasında gələn il keçiriləcək idman yarışlarının planı da müzakirə edilərək qəbul olunub.


Etiketlər:  Quba Qəbələ İdman Paytaxtı Sumqayıt isə Gənclər Paytaxtı seçilib FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ