“Çinli hakerlər bir il ərzində ABŞ-nin 20 mühüm obyektinin sistemlərinə daxil olublar” - KİV

Tarix: 16 Dekabr 2023 13:02

Son bir il ərzində çinli hakerlər ABŞ-də infrastruktur da daxil olmaqla təxminən iyirmi mühüm obyektin kompüter sistemlərinə icazəsiz giriş əldə ediblər.

Milli.Az oxu.az-a istinadən xəbər verir ki, bu barədə "The Washington Post" qəzeti xəbər verib.

Nəşrin ABŞ rəsmiləri arasından olan mənbələrinə görə, guya Çin Xalq Azadlıq Ordusu ilə əlaqəli olduğu iddia edilən hakerlər ABŞ-nin əsas infrastrukturunu, o cümlədən enerji və su təchizatı, həmçinin rabitə və nəqliyyat sistemlərini sıradan çıxarmaq imkanlarını artırırlar. Nəşr ekspert qiymətləndirmələrinə istinad edərək bildirir ki, bu hərəkətlər Sakit okeanda ABŞ-Çin münaqişəsi zamanı çaxnaşma, xaos səpmək və ya logistikanı pozmaq yollarını inkişaf etdirmək üçün daha geniş səylərin bir hissəsidir.

Sistemlərinə çinli hakerlər tərəfindən sızdığı iddia edilən strukturlar arasında Havay ştatında su təchizatı sistemi ilə əlaqəli obyekt, ABŞ-nin Sakit okean sahilindəki böyük liman və neft və qaz kəməri var. Bundan əlavə, Texas ştatında elektrik şəbəkəsi operatoru kiberhücumlara məruz qalıb. Nəşr bu obyektlərin fəaliyyətində heç bir qanun pozuntusunun olmadığını bildirir.

"Tamamilə aydındır ki, Çinin vacib infrastruktura sızmaq cəhdləri qismən münaqişə vəziyyətində onun işini pozmağa və ya məhv etməyə hazırlaşmaq məqsədi daşıyır və ya ABŞ-nin Asiyada hərbi mövcudluğunu qoruyub saxlamaq imkanınından məhrum etmək, ya da böhranla bağlı qərarların qəbuluna təsir etmək üçün Birləşmiş Ştatlarda cəmiyyətdə xaosa səbəb olmaqdır", - deyə ABŞ-nin İnfrastruktur və Kibertəhlükəsizlik üzrə təminatı Agentliyinin icraçı direktoru Brendon Uels bildirib.

"Bu, Çinin kiber fəaliyyətinin 7-10 il əvvəl, əsasən siyasi və iqtisadi casusluğa yönəldiyi vaxtdan bəri böyük dəyişiklikdir", - deyə o əlavə edib.

Milli.Az