Macarıstan Bolqarıstanı Şengen zonasına buraxdı

Tarix: 23 Dekabr 2023 07:04

Macarıstan Bolqarıstanın Şengen zonasına daxil olmasına qoyduğunu vetonu ləğv edib. Çünki Bolqarıstan Rusiya qazının öz ərazisindən tranziti üçün artan rüsumların tətbiqini aradan qaldırıb.

Sonxeber.net axar.az-a istinadən xəbər verir ki, bu barədə Macarıstan xarici işlər naziri Peter Siyarto deyib.

"Biz Bolqarıstanın xarici işlər naziri Mariya Qabriel ilə yenidən telefonla danışdıq. O bildirdi ki, Macarıstana təbii qaz tədarükünə əlavə vergini ləğv edən qanun bu gün Bolqarıstan qəzetində rəsmi olaraq dərc edilib və bununla da qüvvəyə minib", - deyə Siyarto bildirib.

Qeyd edək ki, bundan öncə Macarıstan Bolqarıstana Rusiya qazının öz ərazisindən tranziti üçün tarifin artırılması qərarını ləğv etməyəcəyi təqdirdə Şengen zonasına daxil olmasına veto qoyacağı barədə xəbərdarlıq etmişdi.