Aktual mövzular: Dollar alış-satışı, Məzənnə, Neftin qiyməti

Zibil qutusundan dönən şans: lotereyadan külli miqdarda pul qazandı

Zibil qutusundan dönən şans: lotereyadan külli miqdarda pul qazandı

Tarix: 7 Yanvar 2024 14:56

ABŞ sakini heç nə qazanmadığını düşündüyü üçün 925 400 dollarlıq lotereya biletini az qala atacaqdı.

Milli.Az oxu.az-a istinadən bildirir ki, Miçiqan ştatının Makom dairəsinin 39 yaşlı sakini əri ilə bir neçə həftədən bir müxtəlif lotereyalara bilet aldığını bildirib. Bilet almaq üçün gedən qadın lotereyalardan birinin əsas uduşunun bir milyon dollara yaxınlaşdığını görüb və bir neçə bilet almaq qərarına gəlib.

"Biz evə gələndə həmin biletə baxdım və qərara gəldim ki, bu, bilet uduşlu deyil", - deyə o bildirib.

Qadın bileti atmaq istədiyini, lakin son anda xüsusi proqram vasitəsilə yoxlamaq qərarına gəldiyini qeyd edib. Onun sözlərinə görə, ekranda 925 400 dollar məbləği görünəndə skanerin xarab olduğunu düşünüb. Qadın onu yenidən yoxlamaq qərarına gəlib və hər şey təsdiqləndikdə çox sevinib.

O, əlavə edib ki, pulu yeni avtomobilə xərcləyəcək, qalanını isə saxlayacaq.

Milli.Az


Etiketlər:  Zibil qutusundan dönən şans lotereyadan külli miqdarda pul qazandı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ