Aktual mövzular: Dollar alış-satışı, Məzənnə, Neftin qiyməti

Umerov Fransaya səfərini ləğv etdi

Umerov Fransaya səfərini ləğv etdi

Tarix: 18 Yanvar 2024 13:26

Ukraynanın müdafiə naziri Rüstəm Umerov bu gün Fransaya planlaşdırılan səfərini ləğv edib.

Milli.Az qafqazinfo-ya istinadən xəbər verir ki, Umerov səfərindən bir qədər əvvəl Fransa Müdafiə Nazirliyini məsələ ilə bağlı məlumatlandırıb. Umerovun təhlükəsizlik səbəbindən səfərini ləğv etdiyi bildirilir. 

O, fransalı həmkarı Sebastyan Lekornyu ilə görüşməli və "artilleriya koalisiyası" üzrə konfransa start verməli idi. Görüşün onlayn formatda keçiriləcəyi gözlənilir. 

Ukrayna Müdafiə Nazirliyi isə nazirin səfərinin ləğvini şərh etməyib. 

Qeyd edək ki, ötən ilin dekabrında Fransada Ukraynaya dəstəklə bağlı "artilleriya koalisiyası"nın fəaliyyət göstərəcəyi məlum olub. Sözügedən koalisiya Ukrayna ordusuna silah-sursat və artilleriya qurğularının göndərilməsinin təmini ilə məşğul olacaq.

Milli.Az


Etiketlər:  Umerov Fransaya səfərini ləğv etdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ