Aktual mövzular: Dollar alış-satışı, Məzənnə, Neftin qiyməti

"Fransa başda olmaqla, bəzi Avropa ölkələri Azərbaycan-Ermənistan danışıqlarını baltalamağa çalışır"

Tarix: 2 Mart 2024 14:48

Fransa başda olmaqla, bəzi Avropa ölkələri Azərbaycan-Ermənistan arasındakı danışıqlar prosesini baltalamağa çalışır.

Bunu APA-nın Türkiyə müxbirinə açıqlamasında Türkiyənin NATO-dakı nümayəndə heyətinin rəhbəri, keçmiş xarici işlər naziri Mövlud Çavuşoğlu bildirib.

Nazir həmçinin, qeyd edib ki, Azərbaycan sülhün əldə edilməsində səmimi olduğunu göstərib. Ermənistan isə xarici təsirə məruz qalmasa, Azərbaycanla sülh sazişini imzalamağa yaxın olacaq:

"Türkiyə normallaşma prosesini Azərbaycanla koordinasiyalı şəkildə davam etdirir. Azərbaycanla Ermənistan arasındakı hər bir pozitiv addım Türkiyə ilə Ermənistan arasındakı prosesə də müsbət töhfə verəcək. Bölgədə, təbii ki, Gürcüstan da önəmlidir. Amma bu proseslər sadəcə bizim regionumuz üçün vacib deyil. Orta Dəhlizin canlanması, enerji xətlərinin ötürücülük qabiliyyətinin artırılması kimi məsələlər Avropa və Asiya üçün də həyati önəm kəsb edir".

M. Çavuşoğlu Antalya Diplomatiya Forumunun Azərbaycan və Ermənistan tərəfinin görüşləri və müzakirələri üçün də önəmli olduğunu vurğulayıb.

Milli.Az


Etiketlər:  Fransa başda olmaqla bəzi Avropa ölkələri Azərbaycan Ermənistan danışıqlarını baltalamağa çalışır


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ